Củ tịc Quôk hội ồng Vương Đình Huệ jờng rơ Ƀộ trưởng ồng Ali Aoun lòt còp lơgar Việt Nam mờ drơng lơh bal pơrjum dơ̆ 12 bơh Ủy ƀan bàr Cíñ phủ Algeria mờ Việt Nam.

Củ tịc Quôk hội ồng Vương Đình Huệ đơs nền, Việt Nam tŭ lơi kung kờñ lơh kòn gùng tàm tơrbŏ lơgar Algeria mờ drà kơnhoàl ù tiah đah mat tơngai lik câu Á. Sơlơ̆u wơl, Algeria rơcăng lơh mồng mŭt nàng lơgar Việt Nam in mŭt tàm drà kă bro tiah đah tô câu Phi mờ tiah câu Phi là kơnhoàl ù tiah gam geh bơta pràn dờng ngan mờ geh jơnau kờñ uă ngan jơh bal bè phan kă bro mờ drơng broă. Ƀộ trưởng ồng Ali Aoun kơ̆p kờñ lơgar Việt Nam mờ lơgar Algeria rơ̆p kĭ hơ Hiện địñ Lơh broă bal tàm gah broă lơh lơh sa mờ măy mok mờ kă bro. Củ tịc Quôk hội ồng Vương Đình Huệ pà gĭt, Quôk hội lơgar Việt Nam tŭ lơi kung kờñ 2 gah kĭ hơ Hiệp địñ do.