Củ tịc Quôk hội ồng Vương Đình Huệ jờng rơ ồng Park Hark Kyu lòt còp mờ lơh broă tàm lơgar Việt Nam mờ chờ hờp tìp wơl tơnơ̆ dơ̆ lòt còp ngan ngồn lơgar Hàn Quôk bơh Mpồl kwang bàng kâp dờng Quôk hội Việt Nam dê tàm nhai 2 nam 2021. Củ tịc Quôk hội ồng Vương Đình Huệ đơs nền, Quôk hội Việt Nam tò dong, tŭ lơi kung rơcang lơh gơs tơngume adat boh lam ƀuơn ƀuài ai ală broă lơh bơcri priă, lơh sa, kă bro bơh ală mpồl lơh sa kă bro tàm lơgar mờ lơgar ndai dê, tàm hơ̆ geh ală mpồl lơh sa kă bro lơgar Hàn Quôk mờ Tập đoàn Samsung; rơp lòt bal mờ lơh gơlik bơta ƀuơn nàng Tập đoàn lam lơh ală broă lơh bơcri priă kă bro geh cồng nha, kơ̆ kơljap jŏ jòng sùm tàm lơgar Việt Nam. Kwang atbồ priă jền Tập đoàn Samsung Electronics ồng Park Hark Kyu kơp kờñ Việt Nam rơp pơn jat tai tam gơl niam anih kă bro tàm tơngai tus. Di dơ̆ do, ồng Park Hark Kyu cribơyai mờ Củ tịc Quôk hội ồng Vương Đình Huệ bè 2, 3 broă là bơta sền gròi bơh Tập đoàn dê.