Mho mang ngai 15/10, tàm Hìu Quôk hội dê, Củ tịc Quôk hội ồng Vương Đình Huệ neh đơng lam Dơ̆ bơyai lơh wă rò yŭ rơyùm mờ mŭt pơrjum ala mat kwang bàng kâp dờng 2 lơgar dê. Tàm pơrjum, Củ tịc Quôk hội ồng Vương Đình Huệ đơs loh, Quôk hội Việt Nam kơ̆p gơn mờ jờng rơ ngan bơta kwơ dơ̆ lòt còp dê, là jơnau kwơmàng, pơgồp bơnah lơh kơ̆ kơl jăp, tơnguh tai gĭt gơ̆p lơh bơyô bal- lơh broă bal đah 2 Quôk hội đơs is mờ đah 2 lơgar Việt Nam mờ Nga đơs bal.

2 lơgar geh gĭt gơ̆p Tam klăc lơh broă bal jŏ jòng tơl ală bơta mờ gơtùi đơs là gơ̆p bơyô kwơmàng. Den tàng bè hơ̆, 2 Quôk hội pal tă pơgồp uă rlau tai ai broă sơlơ tơnguh gĭt gơ̆p đah 2 lơgar in. Bàr gah pal jòi ală broă lơh broă bal pa nàng ai gĭt gơ̆p 2 gah sơlơ ngai sơlơ bơtàu tơnguh, tàm hơ̆ geh gĭt gơ̆p lơh sa, kă bro, bơcri priă.