Ală kơnòm bơsram lơgar Lào lài do neh geh tŭ bơsram tàm lơgar Việt Nam đơs bal mờ Hìu bơsram T78 đơs is sùm kah ưn ngài mờ jờng rơ bơta git gơp lơh broă bal đah lơgar Lào mờ lơgar Việt Nam ngai sơlơ geh tơnguh rlau tàm jơh bal bè cồng nha lơh geh mờ bơta niam tàm tơl gah broă, dong kờl bal mờ gơp. Củ tịc Quôk hội lơgar Lào jơh nùs ưn ngài Quôk hội Việt Nam neh sùm sền gròi mờ sền dờng màng broă sơlơ tơnguh tai bơta git gơp kuơmàng đah Lào mờ Việt Nam.

Củ tịc Quôk hội Vương Đình Huệ đơs là, Hìu bơsram Hữu nghị T78 là dùl tàm ală rbàng tơrbŏ bơta tam klac bal, sơlơ bơt bơtàu tai ai bơta tam klac – lơh bơyô bal đah Lào mờ Việt Nam ngai sơlơ đềt mềr, kơ̆ kơljap rlau. Củ tịc Quôk hội đơs loh, do là hìu bơsram lời ai kơnòm bơsram lơgar ndai in sơn rờp geh lơh tàm lơgar Việt Nam, kung là hìu bơsram bơto bơtê khà kơnòm bơsram lơgar Lào uă ngan rlau jơh tàm kah yau.