Củ tịc Quôk hội Vương Đình Huệ còp ală mpồl lơh broă geh gơnoar tàm Mpồng tiah nhàr lơgar Dunia Mộc Bài, càr Tây Ninh
Thứ năm, 11:05, 04/01/2024
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Pơn jat tai ală broă lơh tàm dơ̆ lòt lơh broă tàm ală càr tiah đah Jum mat tơngai lik Dà lơgar, mho ngai 03/01, Củ tịc Quôk hội Vương Đình Huệ mờ mpồl lơh broă neh tìp mat ală mpồl lơh broă geh gơnoar lơh broă tàm mpồng tiah nhàr lơgar Dunia Mộc Bài; tus bal broă lơh tam klăc ling klàng làng bol gờm chờ tơngkah kir sơnrai 65 nam Ngai bơhiàn Mpồl ling sền gàr tiah nhàr lơgar (3/3/1959 -3/3/2024); pà phan ai 100 hìu bơnhă rƀah, hìu bơnhă kal ke tàm tiah nhàr lơgar kơnhoàl Bến Cầu, càr Tây Ninh in.
Tàm dơ̆ tìp mat mờ ală mpồl lơh broă geh gơnoar, Củ tịc Quôk hội Vương Đình Huệ kơ̆p kờñ Mpồl atbồ, mpồl lơh broă geh gơnoar atbồ niam tiah mpồng nhàr lơgar Mộc Bài; bal mờ gơ̆p bơt bơtàu gùng tiah nhàr lơgar kơ̆ kơl jăp, ring lơngai, lơh bơyô bal, lơh broă bal tơngŏ nùs nhơm đah lơgar Việt Nam mờ Campuchia đơs is, 3 lơgar Việt Nam- Lào mờ Campuchia đơs bal.
Rcang Sa tềp Dà lơgar gam tus rềp, Củ tịc Quôk hội kơ̆p kờñ tiah do lơh jat di jat jơnau sồr bơh Ƀan Ƀí thư dê lam lơh sền gròi Sa tềp ai làng bol in jat nùs nhơm “cau lơi kung geh Sa tềp”.
Viết bình luận