Củ tịc Quôk hội Vương Đình Huệ còp Hìu sơnơm Dunia La Vie tàm lơgar Lào
Thứ năm, 06:00, 07/12/2023
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Tàm tơngume lòt lơh broă tus bal Pơrjum Kwang bàng kấp dờng Củ tịc Quôk hội 3 lơgar Campuchia- Lào mờ Việt Nam (CLV), còp mờ lơh broă tàm lơgar Lào, Củ tịc Quôk hội Vương Đình Huệ mờ mpồl Kwang bàng kấp dờng Quôk hội Việt Nam neh tus còp Hìu sơnơm Dunia La Vie tàm càr lơgar Vientiane.
Còp Hìu sơnơm dunia La Vie mờ ală cau kòp gam sơm kòp tàm do, Củ tịc Quôk hội Vương Đình Huệ cih dờp bơta pơnđơl pràn lơh ngan bơh Kwang bàng, ƀák sĩ, cau lơh broă bơh Hìu sơnơm dê, jờng rơ uă ngan phan bơna, măi mok pa ngan bơh Hìu sơnơm dê bơh làng bol lơgar Việt Nam kis tàm lơgar Lào bơcri priă lơh.
Củ tịc Quôk hội kơ̆p kờñ, tơl nă kwang bàng, y ƀák sĩ bơh Hìu sơnơm dê pơn jat tai lơh jat niam bơhiàn “Cau lơh sơnơm bè cau Mè lơbơn niam”, sùm jơh nùs jơh tồr, niam ngan tàm broă drơng broă, kham, sơm kòp, pơgồp bơnah lơh niam rlau tai bơta gĭt gơ̆p lơh broă bal lơh bơyô đah 2 lơgar dê. Di dơ̆ do, Củ tịc Quôk hội Vương Đình Huệ neh pà phan ai kwang bàng, ƀák sĩ, cau lơh broă bơh Hìu sơnơm Dunia La Vie tàm Vientiane in.
Viết bình luận