Tàm dơ̆ lơh broă, Củ tịc Quôk hội Vương Đình Huệ sồr, Ƀộ Quôk phòng, Tổng kụk lơh sa mờ măi mok gah sền gàr Dà lơgar pơn jat tai kơlôi sơnơng, dan mờ Quân ủy Dà lơgar, Ƀộ Quôk phòng cribơyai mờ Đảng, Dà lơgar pơlam gùng dà broă lơh bè bơt bơtàu, bơtàu tơnguh rài lơh sa mờ măi mok gah sền gàr Dà lơgar jat gùng dà rcang lài, lơh tờm is, rcang lơh is; tơl bơta pràn jak kơlôi sơnơng, bơceh lơh, mòn lơh, lơh gơlik phan tam lơh, rcang măi mok geh bơta chài uă, bơta chài tam lơh uă jat jơnau sồr rcang phan bơna ai mpồl ling phàu crong in, lơh geh jơnau kờñ lơh pa tàm tơngai pa Ling klàng mờ broă lơh măi mok lơh jơh lơm Dà lơgar dê, bơt bơtàu mờ sền gàr Dà lơgar tàm bơta pa.

Bơdìh hơ̆, pal tơrgùm cribyai ală broă lơh, broă dong kờl bè bơt bơtàu broă lơh bơtàu tơnguh lơh sa mờ măi mok gah sền gàr Dà lơgar. Củ tịc Quôk hội pin dờn là, Tổng kụk Lơh sa mờ măi mok gah sền gàr Dà lơgar sùm tam klăc bal, bơceh lơh, bơt bơtàu Tổng kụk sàng goh, pràn kơl dang kơ̆ kơl jăp, lơh geh jơnau sồr bơt bơtàu Mpồl ling klàng tàm tơngai pa, cíñ qúy, nhăp nhar, di pal mờ bơta pin dờn kờñ gơboh bơh Đảng, Dà lơgar mờ làng bol dê.