Tơnơ̆ dơ̆ wă rò ngan ngồn, Củ tịc Quôk hội Vương Đình Huệ cribơyai mờ Củ tịc Hạ viện lơgar Thái Lan, kĭ Jơnau ring bal lơh broă bal đah 2 Anih lơh broă crơng gơs adat boh lam mờ 2 Cơldŭ lơh broă Quôk hội.

Pơn jat hơ̆, là ală broă lơh ndai, bè: Tìp mat kwang đơng lam bồ kấp dờng lơgar Thái Lan, đơs gùng dà broă lơh tàm Hìu bơsram Đại họk Chulakongkorn, tus bal cribơyai broă lơh, adat boh lam chồl tơnguh lơh broă bal lơh sa, kă bro, bơcri priă; Tus bal dơ̆ tơlik mat Phòng Thương mại Việt Nam mờ Thái Lan, còp Đại sứ quán lơgar Việt Nam tàm Thái Lan, wă bàr pe mpồl lơh sa kă bro dờng bơh lơgar Thái Lan dê bơcri priă tàm lơgar Việt Nam, tìp mat ală mpồl bơtiàn lơh sa kă bro mờ cau Việt Nam tàm lơgar Thái Lan mờ bàr pe broă lơh tàm lơgar do dê.