Củ tịc Quôk hội Vương Đình Huệ đơs sùm, Quôk hội 3 lơgar, rlau tŭ lơi jơh kờñ pal sơm bat tê bal, pơgồp bal bơta pràn, pơgồp bơnah bơt bơtàu bơnàng jă pin dờn cíñ trị, bơta lơh bơyô bal bơh yau mờ tam klăc bal kwơ màng 3 lơgar Campuchia- Lào mờ Việt Nam. Bơta gĭt gơ̆p tam klăc lơh bơyô bal, đềt mềr bal mờ pin dờn cíñ trị đah 3 lơgar Campuchia- Lào mờ Việt Nam là phan lời wơl kwơ ngan, geh gơtha kwơ màng jŏ jòng tàm broă lơh bơt bơtàu, sền gàr mờ bơtàu tơnguh bơh 3 lơgar dê.

Lơgar Việt Nam sùm sền dờng màng mờ sền do là kơnòl broă kwơ màng mờ lơh lài ngan tàm broă lơh cribơyai broă mờ lơgar ndai bơh lơgar Việt Nam dê. Củ tịc Quôk hội Vương Đình Huệ sồr, Quôk hội 3 lơgar dong kờl ală Cíñ phủ mờ ală gah geh gơrềng chồl tơnguh lơh jat ală jơnau kờñ bơtàu tơnguh kơ̆ kơl jăp gùt plai ù, rcang sơndră tam gơl nhơm trồ tiah.