Tàm nam 2023, lơh sa mpồl bơtiàn càr Tây Ninh kơ̆ kơl jăp mờ geh broă bơtàu tơnguh. Ală jơnau kờñ mpồl bơtiàn tiah kis ndrờm geh lơh gơs. Tàm hơ̆ jơnau kờñ tơmù rơƀah geh cồng nha niam, khà hìu rơƀah uă bơta tàm càr Tây Ninh mìng gam 0,67%, do là dùl tàm ală càr geh khà hìu rơƀah ờ uă ngan gùt lơgar dê.

Đơs tàm dơ̆ lơh broă, Củ tịc Quốk hội Vương Đình Huệ đơs niam mờ jờng rơ broă lơh ngan cíñ trị, jơnau kờñ brồ guh, bồ tơngoh bal mờ bơta pràn lơh ngan bơh Đảng ƀộ, gơnoar atbồ, ling klàng mờ làng bol càr Tây Ninh dê, broă tam gơl pa bồ tơngoh kơlôi sơnơng bal mờ ală broă lơh ndrờm bal bal bơh kấp ủy, gơnoar atbồ, lơh sa càr Tây Ninh neh sơrlèt mờ bơta kal ke, pơn jăt tai gơguh; gàr niam rài kis lơh sa mpồl bơtiàn, sền gàr cau geh sră dong kờl bơh dà lơgar; tàm hơ̆ uă ngan là broă tơmù rơƀah geh cồng nha uă. Củ tịc Quốk hội Vương Đình Huệ sồr, tàm tơngai tus, càr Tây Ninh lơh jăt nùs nhơm đơng lam bơh Dà lơgar, Cíñ phủ lơh ngan nàng lơh geh cồng nha uă ngan bơh jơh tơngai lơh broă.