Thủ tướng lơgar Thái Lan đơs niam bơta kwơ bơh dơ̆ tus còp lơgar Thái Lan bơh Củ tịc Quốk hội Vương Đình Huệ dê di tơnkah 10 nam lơh bơta git gơ̆p Tam klăc bal jŏ jòng đah lơgar Việt Nam mờ lơgar Thái Lan, dong kờl ai geh bơta pràn ai bàr lơgar bơtàu tơnguh ngai sơlơ jrô ơnàng, mùl màl.

Củ tịc Quốk hội Vương Đình Huệ yal mờ Thủ tướng lơgar Thái Lan Srettha Thavisin ờ uă cồng nha geh pơnrơ ngan tàm dơ̆ cri bơyai mờ Củ tịc Quốk hội lơgar Thái Lan, đơs tờm broă Quốk hội bàr lơgar kĭ pang sră kah bal lơh broă bal geh lơh pràn rơlao tai bơta git gơ̆p đah bàr Nghị viện, pơgồp bal tàm bơta git gơ̆p tam klăc bal jŏ jòng mờ kơ̆p kờñ bàr lơgar gờñ tơnguh kấp bơta git gơ̆p tàm tơngai di pal. Thủ tướng lơgar Thái Lan đơs geh tus còp lơgar Việt Nam tàm nam 2024 mờ ring bal tơnguh kâp bơta git gơ̆p bàr lơgar tus bơta tam klăc bal jŏ jòng tơl ală bơta.