Drim ngai 01/12, Củ tịc Quôk hội Vương Đình Huệ đơng lam dơ̆ wă rò yŭ rơyùm, tơnơ̆ dơ̆ wă rò, bàr Củ tịc Quôk hội neh lam lơh pơrjum. Bàr Củ tịc Quôk hội ndrờm đơs nền rơp sơlơ tơnguh tai lơh broă bal đah 2 lơgar tàm tơngai tus. Bàr gah bal mờ gơp ring bal pal pơn jat tai lơh kơ̆ kơljap mờ sơlơ tơnguh tai bơta đềt mềr, bơta pin dờn cíñ trị, pơgồp bal lam lơh jat niamală Jơnau yal bơr bal, ală Hiệp địñ,

Jơnau ring bal lơh broă bal, kuơmàng là Jơnau pơndut dơ̆ tìp mat đah Kwang đơng lam bồ kâp dờng bàr Đảng nam 2023; Jơnau pơn dut dơ̆ tìp mat đah 3 nă kwang atbồ 3 Đảng Việt Nam – Campuchia – Lào. Việt Nam mờ Campuchia sơlơ tơnguh tai lơh broă bal sền gàr dà lơgar, sền gàr lơngăp lơngai, sền do là gah tờm ngan tàm bơta git gơp đah 2 lơgar, sùm là anih kơldìng kơ̆ kơljap ai gơp in tàm broă sền gàr lơngăp lơngai dà lơgar, rơcang sơndră geh cồng nha mờ ală bơta lòng lơngăp lơngai ờ ờs mờng; sơlơ tơnguh tai lơh broă bal lơngăp lơngai tàm internet; pơn jat tai pơgồp bal bơt bơtàu gùng nhàr lơgar ring lơngai, kơ̆ kơljap mờ bơtàu tơnguh.