Cribơyai tàm dơ̆ tìp mat, ală mpồl lơh sa kă bro pà git, neh geh ală tă pơgồp jơh nùs uă gah ai rài lơh sa mpồl bơtiàn lơgar Lào in tàm uă gah broă; mờ kung ai geh broă lơh git nđờ jơt rbô nă cau lơh broă in, lơh gơlik priă jền lơh geh, tơnguh niam rài kis, bơ tơl priă tơmut tàm kes priă dà lơgar Lào dê in. Đơs tàm dơ̆ tìp mat, Củ tịc Quôk hội ưn ngài Quôk hội mờ Cíñ phủ Lào neh sền gròi tơn, tă bơsong kal ke ală mpồl lơh sa kă bro Việt Nam in; mờ kung jờng rơ nùs nhơm pơn đơl pràn, bơta lơh ngan brồ guh bơh ală mpồl lơh sa kă bro Việt Nam dê, do là bơta tờm ngan, cèng bơta lơh nền. Tềng đap ală kal ke bal tŭ do, Củ tịc Quôk hội Vương Đình Huệ kơp kờñ ală mpồl lơh sa kă bro Việt Nam tàm lơgar Lào kơ̆ dơn rlau mờ lơh ngan rlau tai tài bơh Đảng, Quôk hội mờ Cíñ phủ 2 lơgar gam lơh ngan bơt bơtàu anih bơcri priă ngai sơlơ niam rlau tai.