Tàm dơ̆ tìp măt cribơyai, Củ tịc Quôk hội Vương Đình Huệ đơs nền lơgar Việt Nam sùm sền dờng màng mờ kơ̆p kờñ sơlơ tơnguh tai bơta pin dờn mờ lơh jrô ơnàng rlau tai gĭt gơ̆p Tam klăc lơh broă bal jŏ jòng đah 2 lơgar; bal mờ gơ̆p lơh ngan wèt tus tơnguh kâp gĭt gơ̆p tàm tơngai tus. Bàr nă kwang đơng lam bồ dùl nùs ring bal sơlơ tơnguh tai tàm pơgơl mpồl kwang bàng kâp dờng mờ ală kâp lòt còp bal mờ gơ̆p, lam lơh jăt geh cồng nha ală kơrnoăt lơh broă bal đah 2 lơgar.

Cribơyai bè ală broă lơh broă bal tàm gah nghị viện, bàr nă kwang đơng lam bồ dùl nùs ring bal sơlơ tơnguh rlau tai lơh broă bal đah anih lơh broă lơh adat boh lam 2 lơgar dê; tàm yal tơngĭt bal jơnau, tam pà bal mờng chờ, lơh niam gơnoar broă Mpồl Nghị sỹ lơh bơyô bal đah 2 lơgar dê; pơgồp bal, tàm dong kờl bal mờ gơ̆p tàm ală dơ̆ pơrjum nghị viện uă lơgar, lơh broă bal gàr sùm bơta tam klăc mờ gơnoar broă tờm bơh Asean dê, ngan là tàm ală broă tàm tiah do bè broă Dà lềng đah mat tơngai lik, lơgar Myanmar.