Bàr nă Kwang đơng lam bồ tơngŏ bơta hcờ hờp mờ jờng rơ uă ngan ală cồng nha kwơ màng tàm bơta gĭt gơ̆p lơh broă bal đah Việt Nam mờ Lào đơs bal mờ lơh broă bal đah Quôk hội 2 l ơgar dê đơs is; đơs sùm bơta kwơ màng bơh broă lơh pràn lơh broă bal kă bro, bơcri priă, sơlơ tơnguh tàm tơrbŏ bal 2 rài lơh sa, tàm tơrbŏ bal gùng lòt, bơtàu tơnguh bơto bơtê, niam chài mờ tìp mat lơh kwèng làng bol; mơkung ring bal pal pơn jat tai sền gròi, bơsong bơta kal ke, kòl yan ai ală mpồl lơh sa kă bro mờ ală rơndăp broă lơh lơh broă bal kwơ màng đah 2 lơgar in.

Bàr gah ring bal kờñ lơh pràn tàm pơgơl ală dơ̆ lòt còp, tìp mat đah kwang đơng lam bồ Quôk hội mờ đah ală Ủy ƀan Quôk hội 2 lơgar dê; pơn jat tai sơlơ tơnguh lơh broă bal, tam pà bal mờng chài lơh broă đah 2 anih lơh broă lơh adat boh lam.