Củ tịc Quôk hội Vương Đình Huệ tus bal dơ̆ jàu khà jờng. 79 jơnau pơrlòng neh geh Mpồl ai điểm dar dut ndơl sac rơ wah nàng jàu khà jờng Diên Hồng dơ̆ 2, geh 7 khà A, 14 khà B, 20 khà C mờ 38 khà pơn jờng. Ală jơnau pơrlòng geh khà jờng cèng nhơm tă rài kis, nùs nhơm hìu pơrjum, lơh jat ală kơnòl broă tờm, mblàng lơh loh niam ngan ală broă lơh bơh Quôk hội, Hội đồng Ñân zân ală kâp mờ kwang bàng làng bol pồ dê.

Khà jờng Diên Hồng dơ̆ 2, Anih jơnau đơs Việt Nam geh 5 khà jờng là 1 khà A gơ wèt mpồl cau cih ƀău: Tuyết Mai, Lê Tuyết, Vân Hồng, Uông Huyền, Hà Thảo, Ƀan jơnau yal tơnggit jơnau gơlik geh pah ngai VOV1 mờ ròt jơnau cih “Tơnguh bơta tam pà kâp, jàu pà bơta pin dờn”, 2 khà B gơ wèt mpồl cau cih ƀău: Ngọc Thành, Hà Phương, Ƀău điện tử VOV News mờ ròt jơnau cih “Bơta tam gơl tàm broă crơng gơs adat boh lam mờ ală tam gơl pràn tàm hìu pơrjum” mờ mpồl cau lơh ƀău Anih sơñio rùp kỹ thuật sồ VTC mờ jơnau pơrlòng “Bơta pràn bơh jơnau kah kir”, 2 khà pơn jờng bơh anih lơh broă sùm Anih jơnau đơs Việt Nam tiah tàm gùl lơgar mờ anih lơh broă sùm tiah Tây Bắc dê.