Đơs tàm dơ̆ tơngkah kir sơnrai, Củ tịc Quôk hội sồr, Họk viện Tài cíñ sùm pal tam gơl pa ătbồ đại họk gơ jăt bal rơcăng lài is mờ kơnòl mblàng yal lơh loh mpồl bơtiàn in, pal là dùl tàm ală anih lơh lài, lơh jăt rơcăng lài is đại họk geh cồng nha ngan, kwơmàng là rơcăng lài is bè priă jền.

Đơs sùm, “Cau bơsram dờng gĭt wă jrô là bơta kis gơs mờ bơtàu tơnguh bơh dà lơgar dê’, mpồl cau lơh broă là bơta pràn kwơmàng ngan rlau jơh, geh bơta lơh nền bơta bơtàu tơnguh bơh hìu bơsram dê, Củ tịc Quôk hội sồr Họk viện Tài cíñ geh broă dong kờl bơtàu tơnguh pràn pơn jăt tai đòm jăt bơhiàn niam bơnĕ, bơ̆t bơtàu Họk viện là dùl tàm ală anih tờm dờng bơh jơh gùt lơgar dê bè “gơhòi gơ jà cau jak, tề lam nùs nhơm kòn bơnus, lơh sir niam nùs nhơm kòn bơnus, bơtàu tơnguh mpồl cau lơh broă”. Di dơ̆ do, ala măt kwang đơng lam bồ Đảng, Dà lơgar, Củ tịc Quôk hội Vương Đình Huệ jàu pà pơgru mờ kơnòm bơsram Họk viện Tài cíñ in Gai lòng Lơh broă khà dùl (dơ̆ 3).