Mờ tơngume tờm bơh Pơrjum dê là “Sơlơ tơnguh gơnoar bơh Nghị viện tàm broă chồl tơnguh lơh broă bal tơl làm đah Campuchia- Lào mờ Việt Nam”. Kờp dŭ, mpồl Kwang bàng Quôk hội Việt Nam rơ̆p geh ală broă lơh tàm dơ̆ pơrjum, bè: Củ tịc Quôk hội Vương Đình Huệ geh jơnau đơs kwơ màng tàm pơrjum bal mờ dơ̆ pơrjum tơn jơh; ală jơnau đơs bơh ală Ủy ƀan lơh broă mờ lơgar ndai, Lơh sa, Sền gàr Dà lơgar mờ sền gàr lơngăp lơngai tàm dơ̆ pơrjum ală Ủy ƀan dê; ală jơnau cih tă pơgồp jơnau đơs bơh ală Ƀộ, ngàñ geh gơrềng; ala mat ală càr gơwèt tiah 3 mum bơtàu tơnguh bơh lơgar Việt Nam dê bè: Kon Tum, Dăk Lăk, Dăk Nông, Bình Phước, Gia Lai.

Bơdìh hơ̆, gam geh uă jơnau đơs tus bal bơh ală ala mat kwang bàng Quôk hội, ala mat ală Ƀộ, ngàñ tus bal dơ̆ pơrjum. Ngai 04/12, Củ tịc Quôk hội Vương Đình Huệ neh tìp mat cribơyai mờ Củ tịc Quôk hội lơgar Lào Saysomphone Phomvihane.