Nam 2023, Cơldŭ lơh broă Quôk hội neh tă pơgồp jơnau đơs, dong broă, lam lơh geh cồng nha 5 dơ̆ pơrjum Quôk hội, geh 3 dơ̆ pơrjum ờ bè ờs mờ 2 dơ̆ pơrjum ờs mờng; 15 dơ̆ pơrjum bơh Ủy ƀan thường vụ Quôk hội dê; 25 dơ̆ pơrjum dềt, pơrjum dờng bơh Đảng đoàn Quôk hội dê; 04 Mpồl jăt sền mìng dùl tơngume bơh Quôk hội dê, Ủy ƀan Thường vụ Quôk hội mờ ală broă dờng tàm lơgar, dunia, bè: Cribơyai Lơh sa- Mpồl bơtiàn Việt Nam nam 2023; Dơ̆ pơrjum ai lơh pơnyơu “Quôk hội kơnòm dềt” dơ̆ sơnrờp nam 2023; Pơrjum Nghị sĩ kơnòm să gùt plai ù dơ̆ 9, Pơrjum Mpồl Bơto pơlam Ală Nghị viện Mpồl tam klăc ală lơgar tàm tiah đah jum măt tơngai lik câu Á (AIPA Caucus) dơ̆ 14.

Ală cồng nha jơh nùs do neh pơgồp bơnah kwơmàng tàm cồng nha lơh geh bal bơh Quôk hội dê tàm nam 2023. Sền bal ring bal mờ 11 kơnòl broă nam 2024 mờ Cơldŭ lơh broă Quôk hội dê neh sồr lơh, Củ tịc Quôk hội sồr ală anih lơh broă bơh Quôk hội dê, Cơldŭ lơh broă Quôk hôị pal pơn jăt tai lơh ngan nàng nam tơnơ̆ lơh sir kơnòl broă niam rlau mờ nam lài.