Nam 2023, gah lơh jăt gơnoar yal yă mờ jăt sền broă lơh sền gàr adat boh lam dê  geh uă broă lơh ngan, lơh uă broă lơh nàng gàr niam ală broă lơh jăt gơnoar, kơnòl broă, yă pa 98 rơbô 369 broă yal yă lơh glài kŭp màng, gơguh 13,4% pơn drờm mờ nam lài. gah lơh jăt gơnoar yal yă mờ jăt sền broă lơh sền gàr adat boh lam dê neh lơh jăt, lơh niam ală nghị quyết bơh Đảng, bơh Quốk hội gơrềng tus broă tư pháp mờ gơnoar, kơnòl broă bơh gah lơh jăt gơnoar yal yă mờ jăt sền broă lơh sền gàr adat boh lam dê.

Tàm tơngai tus, Củ tịc Quốk hội Vương Đình Huệ sồr, gah lơh jăt gơnoar yal yă mờ jăt sền broă lơh sền gàr adat boh lam dờng rơlao jơh làng bol tơrgùm tam gơl pa ală gah broă; rơndăp săp sèng kwang bàng lơh broă jăt broă lơh niam, geh bơta pràn, geh cồng nha; lơh pràn broă tam gơl sồ mờ ngui kông nghệ thông tin; pồ tơl kwang bàng, tơnguh ală bơta niam mờ lơh jăt broă lơh broă bal mờ dunia tàm broă tam dră, sơndră mờ cau tìs; lơh jăt niam gơnoar bơh anih lơh broă Dà lơgar tàm broă dong kờl tư pháp lơh glài kŭp màng…