Củ tịc Quôk hội Vương Đình Huệ tơngŏ bơta chờ hờp wă rò Phó Củ tịc Quôk hội lơgar Lào tàm lơgar Việt Nam, cau năc lơgar ndai sơnrờp tus tơn còp mờ lơh broă mờ Quôk hội lơgar Việt Nam dê tàm tơngai bồ nam 2024; đơs ngan bơta gĭt gơ̆p 2 đảng, 2 Dà lơgar mờ làng bol 2 lơgar dê gam bơtàu tơnguh niam bơnĕ ngan.

Củ tịc Quôk hội tơngŏ bơta pin dờn dơ̆ tìp mat cribơyai đah Phó Củ tịc Quôk hội lơgar Lào mờ Phó Củ tịc Quôk hội lơgar Việt Nam Nguyễn Khắc Định mờ ală dơ̆ lơh broă mờ Cơldŭ lơh broă Quôk hội, Viện kơlôi sơnơng lơh adat boh lam rơ̆p lơh geh cồng nha mờ ală tơngume geh ngan, lơh geh jơnau kờñ lơh broă bơh Mpồl dê.