Củ tịc Quôk hội ồng Vương Đình Huệ đơs nền, Việt Nam sền dờng màng ngan mờ kơp kờñ sơlơ tơnguh bơta git gơp mờ Mpồl tam klac câu Âu (EU), tàm hơ̆ geh Nghị viện câu Âu- là mpồl lơh broă kuơmàng khà dùl tàm broă lơh lơh broă mờ lơgar ndai bơh Việt Nam dê tàm jơh ală gah Quôk hội, Cíñ phủ, tìp mat lơh kwèng làng bol. Tàm dơ̆ wă, 2 gah đơs nền rơp sơlơ tơnguh rlau tai tàm pơ gơl mpồl kwang bàng kâp dờng, ală kâp; 2 gah pơn jat tai lơh broă bal jơh nùs, kuơmàng là cribơyai mờng chài broă lơh nghị viện, lơh sir kơrnuat boh lam, bơsong ală broă cèng bơta lòng gùt plai ù.

Bơdìh mờ broă sơlơ tơnguh lơh broă bal 2 gah den 2 gah pal lơh ngan pơgồp bal jơh nùs tàm ală cribơyai nghị viện uă lơgar mờ ù tiah kuơmàng; kơp kơnờm bơta git gơp lơh broă bal rơp pơn jat tai geh sơlơ tơnguh rlau tai, tàm hơ̆, lơh broă bal nghị viện rơp geh gơnoar broă kuơmàng ngan tàm bơta git gơp lơh broă bal jơh ală bơta đah EU mờ Việt Nam.