Tàm dơ̆ pơrjum, uă cau lơh broă sa neh lùp kwang đơng lam bồ càr Dăk Nông, tơngume tơrgùm uă bè ală kal ke tàm priă bơcri, broă dong kờl càn priă, broă dong kờl ù tiah, broă lơh rơndăp ù tiah lơh sa, broă lơh bal đah 4 nă cau nàng kờñ bơsong jơnau “geh tơnhàu uă mơya roh giă, geh giă mơya ờ geh tơnhàu”.

Să tờm tam pà bal mờ cau lơh broă sa, ồng Hồ Văn Mười, Củ tịc Ủy ƀan Ñân zân càr Dăk Nông pà gĭt, ală nam do, lơh broă sa sươn sre càr dê neh bơtàu tơnguh tơl làm đau, pơn jăt tai lơh gơnoar broă là dùl tàm 3 broă tờm lơh sa. Mơkung đơs nền, càr pơn jăt tai tơrgùm đơng lam, sồr lam lơh dùl ròt ală kơnòl broă, broă lơh, kờp sền, tă pơgồp jơnau đơs, tam gơl, bơtơl ală kơrnoăt broă dong kờl tă bơsong kal ke, kòl yan, ai tơl bơta, priă jền, tiah ƀươn ƀoài hòi jà bơcri priă dong kờl cau lơh broă sa, hợp tak xã bơtàu tơnguh.