Nàng sền gàr lơngăp lơngai màng kis, tơrmù tus khà lơyah ngan rlau jơh hoàc huơr bè phan bơna ai làng bol mờ broă lơh phan bơna, ngan là tàm tơngai mìu càl rbut nam 2023, Củ tịc Ủy ƀan Ñân zân càr Lâm Đồng sồr ală mpồl rơcang lài geh jơnau sồr lơh, lam lơh broă lơh rơcang lài sơndră trồ tiah lơh aniai đơs bal mờ tơrlah ù đơs is. Pơn jat tai lam lơh jat nền nòn, tơl làm, di tŭ, di mờ bơta geh ngan mờ ngan ngồn geh cồng nha ală tơngume, kơnòl broă jat jơnau sồr bơh Lơh broă sùm Tỉñ ủy càr dê mờ rlau 10 sră nggal sồr lơh bơh Ủy ƀan Ñân zân càr dê lài hơ̆. Ờ gŏ di sền ờ sơp tàm broă lơh rơcang sơndră trồ tiah lơh aniai mờ jòi dong kờl rềs àr.