Tàm dơ̆ lòt còp, Thủ tướng lơgar Nhờk Kishida mờ Pơ ùr đơng lam dơ̆ wă rò yŭ rơyùm Củ tịc lơgar Võ Văn Thưởng mờ Pơ ùr. 2 nă kwang đơng lam bồ kung rơ̆p lam bồ mpồl kwang bàng kấp dờng 2 lơgar cribơyai, sền sơ wì ală cồng nha neh lơh geh tàm 50 nam lơh bơta gĭt gơ̆p cribơyai broă mờ lơgar ndai mờ ai tơlik ală gùng dà broă lơh lơh broă bal pràn kơl dang rlau tai tàm tơngai tus.

Củ tịc lơgar Võ Văn Thưởng mờ Pơ ùr rơ̆p tìp mat mờ Bơtau mờ pơ ùr Bơtau lơgar Nhờk; tìp Củ tịc Thượng viện, Củ tịc Hạ viện lơgar Nhờk geh jơnau đơs kwơ màng tàm Quôk hội lơgar Nhờk; tus bal dơ̆ tơngkah kir sơnrai 50 lơh bơta gĭt gơ̆p cribơyai broă mờ lơgar ndai Việt Nam mờ Nhờk; Wă rò kwang đơng lam bồ bàr pe Đảng cíñ trị mờ bàr pe kwang bàng Cíñ trị lơgar Nhờk dê.