Kwang ătbồ lơgar Fiji chờ hờp jờng rơ lơgar Việt Nam bè cồng nha pal ki ngàm ngan tàm broă tam dră wơl mờ kòp dờng Kovid-19 mờ ală bơta bơtàu tơnguh wơl mờ gơguh lơh sa bềng bơta niam ngan tŭ do. Fiji kơ̆p kờñ lơh broă bal mờ lùp bơsram bơta mờng chài bơh lơgar Việt Nam dê tàm ală gah broă mờ lơgar Việt Nam geh bơta pràn pa yal mờ Fiji gam lời ai bơta ai lài uă tŭ do tàm lơh broă bal dunia. Đại sứ tơlik nùs nhơm kơ̆p kờñ mhar geh ală sră nggal adat boh lam, lơh geh tơngume lơh broă bal geh cồng nha tàm ală gah broă: kă bro, bơcri priă, priă jền, kung bè gơrềng tus bơta lòt rê bơh làng bol 2 lơgar dê. Đại sứ kung sồr Fiji ai tơl bơta ƀươn ai cau Việt Nam in ơm kis tàm Fiji kung bè ală mpồl lơh sa kă bro lơgar Việt Nam gam lơh broă, lơh sa tàm lơgar bồt.