Tàm dơ̆ pơrjum, 2 gah đơs, lơh broă bal sền gàr dà lơgar đah Việt Nam mờ Malaysia ngai sơlơ geh gơnoar broă kuơmàng tàm bơta git gơp lơh broă bal jŏ jòng đah 2 lơgar, geh Kwang đơng lam bồ 2 lơgar sền gròi, sơlơ tơnguh rlau tai, dipal mờ ală sră nggal lơh broă bal sền gàr dà lơgar mờ 2 gah neh kĭ hơ, lơh geh cồng nha niam, geh pơn rơ tàm 2, 3 gah broă bè: tàm pơgơl cribơyai broă mpồl kwang bàng, lơh broă bal đah ală mpồl ling, bơto bơtê, tàm lùp mờ tàm dong kờl bal mờ gơp tàm ală dơ̆ cribơyai ngap lơngai tiah do mờ dunia, ai mpồl kwang bàng tus bal ală broă bơh tơl lơgar đơng lam. 

Bàr Ƀộ trưởng đơs, bơta pràn mờ bơta ƀuơn lơh broă bal đah 2 gah gam uă ngan. Bàr gah pơn jat tai lơh jat geh cồng nha ală sră nggal, jơnau ring bal neh kĭ hơ, ngan là Sră cih kah bè lơh broă bal sền gàr dà lơgar 2 gah mờ jơh bal 2 gah rơp kĭ tơnơ̆ pơrjum, ai tơlik lài gùng dà lơh broă sền gàr dà lơgar tàm tơngai tus.