Nam do, càr Dăk Lăk tơlik jơnau kờñ lùp dồs priă dia geh 10 rbô 100 tơmàn đông. Bulah bè hơ̆, tàm 5 nhai bồ nam, lùp dồs priă dia dà lơgar mìng rơp geh rlau 3 rbô 400 tơmàn đông, gơmù 13% pơndrờm dùl tŭ bal mờ nam lài. Đơs lài tàm tơngai tus, lùp dồs priă dia tàm càr pơn jat tai kong mờ uă kal ke, bơta lòng. Mơya mờ bơta lơh ngan pơn đơl pràn lơh gơs kơnòl lùp dồs priă dia dà lơgar nam 2023, Sở Tài cíñ Dăk Lăk rơp sơlơ tơnguh broă atbồ lùp dồs dia dà lơgar, ngui geh cồng nha ală bơnah priă ai bơh ù, phan kuơ tàm ù. Sơlơ tơnguh rlau tai ală broă lơh sền sơ wì, jat sền tàm broă tă dơ̆ ngui kes priă. Pơgồp bal mờ Kụk dia càr di tŭ ai tơlik jơnau đơs Ủy ƀan Ñân zân càr in bè ală broă lơh sơlơ tơnguh lùp dồs priă dia tàm càr, nàng kờñ ai di, ai tơl, di tŭ ală bơta di jat jơnau sồr tơmut tàm kes priă dà lơgar.