Rơndap broă lơh tơnau dơng dà Krông Pách Thượng là rơndap broă lơh rbòng dà kuơmàng geh Ƀộ Nông nghiệp mờ Phát triển Nông thôn ring bal tàm nam 2009 mờ sơn đờm lam lơh tàm nam 2011, geh kờp jơh priă bơcri rlau 4 rbô 420 tơmàn đông, bơh Mpồl atbồ bơcri priă mờ lơh rbòng dà sồ 8 lơh cau tờm bơcri priă.

Tŭ lơh gơs, ai ngui geh ai dà ƀồm mờr 15 rbô lồ ù lơh sa suơn sre in; ai geh broă lơh, tơnguh niam rài kis ai 9 rbô 620 hìu bơnhă in, lơh gơlik ù tiah nhơl chờ, ròng tam phan tàm dà… Tus tŭ do, mpồl broă lơh sơn rờp tơnau dơng dà Krông Pách Thượng geh rlau 90% khà broă; ală rbòng dà kung neh lơh geh bơh 80 tus 85% khà broă.