Dăk Lăk dờp 622 kơldung mhàm tàm ngai “Rơlô pơrhê”
Thứ hai, 10:15, 15/01/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Ngai òr (14/01), tàm ƀòn dờng Buôn Ma Thuột, Mpồl đơng lam hòi jà pà mhàm dong kờl is càr Dăk Lăk pơgồp bal mờ ală mpồl lơh broă bơyai lơh broă lơh pà mhàm dong kờl is Ngai rơlô pơrhê.
Bơh drim gờñ, neh geh rlau 1 rơbô nă cau dong kờl is dan cih mat tus bal pà mhàm is. Bơh hơ̆, mpồl bơyai lơh neh dờp 622 kơldung mhàm. Mò Ayun H’ Hương, Củ tịc Mpồl Cữ Thập đỏ, Phó Kwang atbồ Mpồl đơng lam hòi jà pà mhàm dong kờl is càr Dăk Lăk pà gĭt, jơh mhàm ai geh rơ̆p geh jun rê tàm Hìu sơnơm dờng Tiah Tây Nguyên nàng drơng broă sơm kòp mhar mờ sơm kòp ai cau kòp in, ngan là tàm tơngai sa tềp mờr tus.
Broă lơh Ngai rơlô pơrhê tàm Dăk Lăk nam do rơ̆p geh bơyai lơh tàm 5 tiah, là: Ƀlàng rơndeh par Buôn Ma Thuột, thị xã Buôn Hồ mờ ală kơnhoàl Krông Păc, Cư̆ Mgar, Krông Năng. Lài hơ̆, tàm ală ngai 4 mờ 5 nhai 01 pa do, broă lơh geh bơyai lơh tàm Ƀlàng rơndeh par Buôn Ma Thuột mờ kơnhoàl Krông Păc neh dờp geh 620 kơl dung mhàm.
Viết bình luận