Jat jơnau lơh nền, mò Lê Thị Thanh Xuân, Phó Kwang atbồ Mpồl cau ala mat ờs lơh broă, drơng broă Mpồl cau ala mat Quôk hội càr Dăk Lăk dờp mờ pồ at gơnoar broă Kwang atbồ Sở Bơto bơtê mờ Bơsram, tơngai pồ lơh broă là 5 nam, kờp bơh ngai 01/08/2024 ala ồng Phạm Đăng Khoa, ơm rlô lơh broă jat broă lơh. Mò Lê Thị Thanh Xuân, deh nam 1977 (47 sơnam), ƀòn tờm xã Dà Mròng, kơnhoàl Dam Rong, càr Lâm Đồng. Bơsram ờs mờng Tiến sĩ Văn hóa dân gian, Cử nhân Sư phạm Ngữ văn. Bơsram lý luận cíñ trị kấp dờng.

Tàm tŭ tơngai lơh broă mò Lê Thị Thanh Xuân neh at uă gơnoar broă krơi is: cau pơgru, Chuyên viên Sở Bơto bơtê mờ Bơsram càr Dăk Lăk, Phó Kwang atbồ Hìu bơsram Sư Phạm Mầm non Dăk Lăk, Phó Kwang atbồ Sở Bơto bơtê mờ Bơsram càr Dăk Lăk, Ƀí thư Thị ủy Buôn Hồ, Mpồl cau ala mat Quôk hội càr Dăk Lăk khoă XIV mờ XV.