Mpồl bơyai lơh neh pà ƀằng khen bơh Sở Giáo zụk mờ Đào tạo dê ai 58 nă pơgru geh khà jờng “Cau pơgru kơnòm să geh pơn rơ jak” kâp càr; jàu pà phan mờ sră cơng tàng ai 63 nă kơnòm bơsram geh khà jờng “Kơnòm bơsram 3 niam” kâp càr; Jờng rơ 2 nă kơnòm bơsram geh khà jờng “Kơnòm bơsram 3 niam” kâp dà lơgar mờ tìp mat lơh kwèng, tơm boh bơr mờ ală krơh niam “Cau pơgru kơnòm să” mờ “Kơnòm bơsram 3 niam” geh pơn rơ jak.

Di dơ̆ do tàm Dăk Lăk kung geh lơh broă lơh tìp mat kah wơl bơhiàn ờs mờng mờ jờng rơ 41 mpồl cau mờ cau dồ nă să geh khà jờng “Kơnòm bơsram 5 niam” kâp càr; pà phan ai kơnòm bơsram dờng lơgar Lào gam bơsram tàm Hìu bơsram dờng Tây Nguyên in mờ jàu priă dong kờl bơsram Kes priă “Sòl àng bơta kơp kờñ kơnòm să Dăk Lăk”.