Mờ jơnau đơs “Iăt, kơno mờ lơh broă”, tàm Pơrjum tìp mat tơm bơh bơr mờ Mpồl lơh sa kă bro càr Dăk Lăk nam 2023 geh bơyai lơh tàm ngai 19/10, kwang đơng lam bồ càr neh cih dờp uă jơnau đơs tă pơgồp bơh ală mpồl lơh sa kă bro dê, tàm hơ̆ geh ală broă kal ke mờ càr gam jòi broă nàng tă bơsong. Jat jơnau yal tàm pơrjum, tus tŭ do uă mpồl lơh sa kă bro tàm càr Dăk Lăk neh rcang lài, pơnđơl pràn lơh ngan bơsong bơta kal ke, lơh pràn lơh sa, kă bro, gàr niam rài kis ai cau lơh broă in. Mơya, sră nggal kung gam là broă mờ ală mpồl lơh sa kă bro tàm càr dê ờ hềt niam nùs.

Tơnơ̆ tŭ iăt, kơno jơnau đơs bơh mpồl lơh sa kă bro mờ ală tơngume hơ wơl bơh kwang đơng lam bồ ală Sở, ngàñ dê, ồng Phạm Ngọc Nghị, Củ tịc Ủy ƀan Ñân zân càr Dăk Lăk neh hơ loh làng rlau tai bàr pe jơnau lùp, jơnau đơs bơh mpồl lơh sa kă bro dê tàm tơl gah broă geh ngan. Mơkung sồr ală anih lơh broă, mpồl lơh broă pal pơnđơl pràn lơh ngan uă rlau tai tàm broă dong kờl mpồl lơh sa kă bro in.