Jơnau kờñ bơh Pơrjum dờng geh ai tàm 5 nam tus là tơnguh uă bơta pràn dà Mỹ mờ bơta git wă tơrgùm bal dunia ai cau bơsram dờng in; Lơh broă bal, dong kờl mờ bơtàu tơnguh cau bơsram dờng kòn cau tàm càr. Càr Dăk Lăk tŭ do geh rơlao 14 rơbô 400 nă cau bơsram dờng, gam bơsram tàm 12 hìu bơsram Đại họk, Kao đẳng.

Tàm hơ̆, geh mờr 3 rơbô nă cau bơsram dờng kòn cau. Tàm 5 nam do, bơh broă cau bơsram dờng bal mờ uă broă lơh niam, pràn, hòi jà geh gal ơruh pơnu, cau bơsram dờng tus bal. Uă broă lơh mùl màl tài mpồl bơtiàn bè: Broă lơh Kàl rơlô bơkang tơlir, Dong kờl kàl pơrlòng. Ală dơ̆ lam sồr “Bơ̆t bơtàu bơta kwơ lam lài ơruh pơnu càr Dăk Lăk tàm rài pa”, “Pah ngai dùl jơnau tơngit niam, pah poh 1 jơnau yal niam” geh cau bơsram dờng dờp bal, tus bal lơh. Rơlao 3 rơbô nă cau bơsram dờng sơrlèt mờ kal ke neh geh dờp priă bơsram mờ kờp jơh geh rơlao 3 tơmàn đong.