Broă lơh geh bơyai lơh tàm Hìu bơsram kấp pe Lê Qúy Đôn, ƀòn dờng Buôn Ma Thuột, gơ hòi gơ jà rlau 1 rơbô 600 nă đoàn viên ơruh pơnu mờ kơnòm bơsram tàm càr tus bal. Ală ơruh pơnu mờ kơnòm bơsram geh sền lơh lèo mờ tơngume “Jơnau dan să jơla” mờ gơl cah rñah dơ̆ lơh tìs kơl dang nùs lơh cau ndai sồt să. Bơh hơ̆ sơñio loh jơnau gơ lơi wơl bơh ală dơ̆ kơl dang nùs lơh cau ndai sồt să mờ cau gơtìp aniai, cau pròc mhàm cau gơtìp aniai mờ ală bơta aniai gơwèt mờ să tờm bal mờ hìu bơnhă bơh cau lơh tìs dê.

Tơnơ̆ dơ̆ tơn jơh dơ̆ cah rơña là broă lơh tìp mat lơh kwèng, jơnau lùp mờ hơ jơnau lùp tàm bơrlŭ bal mblàng yal adat boh lam. Tơngume mblàng yal bơh ală jơnau lùp, bơta digơlan gơlik geh nàng kơnòm bơsram, ơruh pơnu in đơs bè nùs nhơm bè lơh pờng tàm hìu bơsram, broă lơh bơsong tŭ sền gŏ lơh pờng tàm hìu bơsram; gơnoar broă bơh tơl nă cau dê, ngan là kơnòm bơsram nàng kờñ kơryan mờ rcang sơndră broă lơh lơh pờng tàm hìu bơsram.