VOV4.K’ho- Broă lơh dong kờl kàl pơrlòng nam do tàm càr Dăk Lăk neh gơ hòi gơ jà rlau 1 rơbô nă cau tus bal dong kờl is là cau bơsram dờng ală hìu bơsram đại họk, Cao đẳng mờ kơnòm bơsram ală hìu bơsram trung kấp broă lơh mờ hìu bơsram kấp pe tàm càr cih mat dan tus bal.

Dăk Lăk rlau 1 rơbô nă cau dong kờl is tus bal Dong kờl kàl pơrlòng nam do

Do là mpồl geh dong kờl ală kơnòm pơrlòng tus bal pơrlòng jơh bơsram kấp pe mờr geh bơyai lơh tàm ngai hìng ngai 7 mờ ngai 8 nhai 7 do. Tàm tơl tiah pơrlòng, geh ală mpồl ờs lơh kơnòl broă krơi is bè: hòi jà tă pơgồp priă jền, phan sa dà hùc mờ priă bơsram dong kờl ală kơnòm pơrlòng geh rài kis kal ke in; dong kờl kơnòm pơrlòng mờ hìu bơnhă kơnòm pơrlòng in tàm tơngai pơrlòng;  bơto pơlam ờdo ờdă gùng lòt, sền gàr bơta lơngap lơngai, rơndap tap sèng tàm tiah pơrlòng, dong kờl broă lơh drơng broă ala, sền gàr tiah ơm kis tàm ală tiah pơrlòng. Mpồl cau bơsram dờng càr Dăk Lak pà gĭt, bal mờ broă sền ngan dong kờl ală kơnòm pơrlòng geh rài kis kal ke, kòn đời, tiah sar lơgar ngài, nam do, broă lơh dong kờl kàl pơrlòng geh sền gròi tus ală cau là cau hìu bơnhă kơnòm pơrlòng dê, ngan là ală cau kal ke kờñ geh dong kờl.

Cau mblàng K’Hạnh