Jat hơ̆, tàm pơgap tơngai bơh ngai 20 nhai 11 nam 2023 tus jơh ngai 29 nhai 02 nam 2024, ală mpồl atbồ drà kă bro gơwèt Kụk Atbồ drà kă bro càr Dăk Lăk rơ̆p lòt sền gơwèt mờ 111 mpồl cau, cau dùl nă să lơh broă lơh sa, kă bro tàm ù tiah càr dê.

Broă lơh lòt sền, gròi sền rơ̆p tơrgùm tàm ală bơta phan geh jơnau kờñ ngui sa uă tàm tơngai lồi nam mờ dơ̆ Sa tềp Dà lơgar bè ƀañ kèo, sơdàng, ƀeàr, ơlak, jràu, dà lơngồt, phan điện tử, điện lạnh, ào mpha, khŏ jĕp, phan poan jơng mờ phan bơna geh lơh bơh phan poan jơng, phăo bơrtoh, ală bơta bơkào plai chi... Bal mờ hơ̆ ală mpồl kung rơ̆p bơyai lơh jat sền kràñ ngan broă lơh kă bro xăng zờu, nhơm zờu lơh gơlik dà, ờ gŏ lời gơlik geh bơta ơn prap phan, tơnguh giă ờ di pal nàng kờñ pơgồp bơnah gàr niam bè ờs drà kă bro nàng drơng broă sa tềp ai làng bol in.