Nam 2022, kấp ủy ală kấp neh lòt sền rlau 860 mpồl đảng, jat sền rlau 470 mpồl đảng mờ rlau 2 rơbô 800 nă đảng viên. Ủy ƀan sền sơ wì ală kấp neh lòt sền tŭ geh tềl tơngŏ lơh tìs gơwèt mờ 11 mpồl đảng mờ 227 nă đảng viên. Bal mờ hơ̆, broă lơh lơh jat kơrnoăt lơh glài đảng geh lơh jat niam, di broă, jat jơnau cih. Kấp ủy, Ủy ƀan lòt sền ală kấp neh sền sơ wì lơh jat kơrnoăt lơh glài 2 mpồl đảng mờ 280 nă đảng viên lơh tìs.

Jat ồng Nguyễn Đình Trung, Uỷ viên Đảng Dà lơgar, Ƀí thư Tỉñ uỷ Dăk Lăk yal, bơh broă lơh lòt sền, jat sền neh dong mpồl Đảng mờ đảng viên sền gĭt loh bơta niam nàng lơh jat, bơsong bơta ờ niam, kơryan ală tềl tơngŏ ờ niam, gàr kơ̆ kơrnoat lơh glài, lơh jat kơrnoat bơh Đảng. Tơngai tus, Tỉñ ủy Dăk Lăk pơn jat tai sơlơ tơnguh broă lòt sền, jat sền mờ lơh jat kơrnoăt lơh glài tàm Đảng. Tàm hơ̆, ngan là sền gròi lơh glài jơh ală bơta tìs bơh ală mpồl cau, cau dùl nă să is jat ală jơnau đơs pơndŭt bơh Thañ tra mờ Kiểm toán Dà lơgar tàm ală tiah dê.