Mờ tơngu me cau ùr càr Dăk Lăk mŭt lơh broă tam gơl pa bơceh pa mờ tơrbŏ bal mờ mpồl lơh sa kă bro, ngai chờ geh bơyai lơh uă broă lơh bè: ràng tơlik, yal phan geh lơh bơh broă mŭt lơh broă cau ùr dê; dar dŭt ndơl dơ̆ pơrlòng kơlôi sơnơng bơceh pa mŭt lơh sa kă bro nam 2023; pơrjum cri bơyai broă lơh jŏ jòng kă bro rài lơh sa mờ măi mŏk 4.0; jào priă dong kờl ai cau ùr in càn mŭt lơh broă.

Ngai chờ là dơ̆ nàng ală oh mi cau ùr tàm càr geh tìp bal, tam pà bal broă lơh mờng chài tàm broă mŭt lơh sa, mŭt kă bro, tơnguh bơtàu lơh sa; pơn jờng ală cau ùr geh pơnrơ jăk tàm broă lơh sa, kă bro. Tơnguh broă tơrbŏ bal, yal, ràng tơlik ală phan geh lơh bơh cau ùr mŭt lơh broă nàng ai geh bơta pràn mờ lơh geh uă nùs nhơm mŭt lơh broă ai ală cau tàm mpồl cau ùr in.