Dăk Lăk tìp mat di tơnkah Ngai cau pơgru Việt Nam
Thứ ba, 14:21, 21/11/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Di Ngai tơngkah 41 nam di Ngai Cau pơgru Việt Nam 20/11, drim òr (20/11), Sở Giáo dụk mờ Đào tạo càr Dăk Lăk bơyai lơh tìp mat ală rơnàng kwang đơng lam bồ gah bơto bơtê mờ ală cau gơguh jak, cau pơgru pơn rơ jak tàm nam bơsram 2022-2023.
Tàm dơ̆ tìp mat ală kwang bàng neh kah wơl bơhiàn Ngai Cau pơgru Việt Nam 20/11, kah wơl ală tă pơgồp bơh ală cau pơgru gùt lơgar dê đơs bal, ală cau pơgru neh mờ gam lơh broă tàm càr Dăk Lăk đơs is tàm broă lơh “bơto bơtê kòn bơnus”.
Mờ nùs nhơm geh kơnòl, tryang tryồng mờ broă lơh, ală cau pơgru tàm càr Dăk Lăk neh geh uă bơta pơnđơl pràn lơh ngan tàm broă lơh, mơkung bơsram is, tơnguh uă bơta mờng chài bơto bơtê, broă lơh. Uă cau pơgru neh lơh geh cồng nha jak ngan tàm ală dơ̆ pơrlòng, ală dơ̆ pơrlòng cau pơgru jak ală kấp dê.
Viết bình luận