Bulah geh bàr pe bơnah priă tơm priă dia lơh geh mờ geh rlau mờ broă jàu, mơya sền bal tàm ù tiah càr dê uă bơnah priă tơm priă dia gơmù uă ngan pơndrờm bal dùl tŭ mờ nam lài, geh: tơm priă dia ngui ù, priă dia bơh tiah mpồl lơh sa kă bro dà lơgar dê, priă dia sền gàr tiah ơm kis, priă dia priă lơh geh cau dùl nă să is dê...

Tềng đăp bơta geh ngan do, ồng Bùi Văn Chuẩn, Kwang ătbồ Kụk Dia càr Dăk Lăk pà gĭt, kơnòl broă tờm bơh gah dia dê là nàng kờñ lơh geh broă rơndăp lơh tơm priă dia bơh nam 2023 dê là kờp sền bơnah priă tơm priă dia, sơlơ tơnguh tai ală broă lơh lùp dồs priă dia gam ờ hềt tơm, lam lơh ală mpồl broă lơh kơryan ngui sră tăc blơi phan tìs mờ adat boh lam mơkung lam lơh ală broă lơh dong kờl bè tơn jŏ tơngai tơm dồs priă dia, tơrmù priă dia halà ờ sồr tơm priă dia nàng mpồl lơh sa kă bro in bơtàu tơnguh wơl sơrlèt gan kal ke.