Jat Đại tá Bùi Quang Thanh, Kwang atbồ Kwang àng càr Dăk Nông đơs, lơh jat jơnau đơng lam bơh kwang đơng lam bồ Ƀộ Kwang àng, Tỉñ ủy, Hội đồng Ñân zân, Ủy ƀan Ñân zân càr dê, Kwang àng càr Dăk Nông neh rơcang lài lam lơh uă broă lơh tam gơl pràn, ngac ngar, bơceh pa. Bơh hơ̆ gơtùi ngui niam bơta pràn bơh jơh gùt mpồl lơh broă dê, hòi jà bơta lơh bal bơh jơh gùt anih lơh broă cíñ trị tàm càr dê.

Mờ broă lam lơh jơh nùs, ring bal, ngac ngar ală broă lơh, mờ jơnau đơs “Lơh jơh broă, ờ jơh jơ”, lơh broă gùt ngai, gùt mang, ờ geh ngai rlô, ngai chờ “Lòt tơl gùng, teh mpồng tơl hìu” nàng kờp sền, lơh sàng goh zữ liệu jà làng bol lòt lơh sră kăn kươk làng bol. Kờp tus ngai 29/5/2023, mpồl kwang àng càr Dăk Nông neh lơh gơs broă lơh sră kăn kươk làng bol ai 100% làng bol geh tơl bơta tàm gùt càr in, sơrlèt rlau jơnau hơ pơrgon mờ Ƀộ Kwang àng mờ lơh gơs lài mờ tŭ tơngai ai tơlik bơh Ƀộ Kwang àng dê rlau 2 nhai.