VOV4.K’ho - Drim òr (06/07), tàm Hà Nội, Đảng ƀộ Mpồl ală anih lơh broă Dà lơgar bơyai lơh Pơrjum Mpồl đơng lam dơ̆ 9. Pơrjum tơn jơh ing broă lơh 6 nhai bồ nam mờ broă lơh tờm 6 nhai lồi nam bơh Đảng ƀộ mpồl dê.

                                                            Ală kwang bàng tàm pơrjum

6 nhai do, Đảng ƀộ Mpồl ală anih lơh broă Dà lơgar pơn jăt tai lơh jăt Nghị quyết pơrjum dờng dơ̆ 13 Đảng dê, Nghị quyết bơh Đảng ƀộ mpồl, ală kơrnoăt bơto sồr pa bơh Dà lơgar nàng mùl màl jơh bơta tờm mờ ală broă lơh pràn geh ai tơlik broă lơh nàng lơh broă. Bè kơnòl ală nhai gam tai tàm nam do, ồng Nguyễn Thành Nam, Kwang atbồ Ủy ƀan lùp sền, Đảng ủy Mpồl ală anih lơh broă Dà lơgar đơs loh, Đảng ƀộ Mpồl geh pơn jăt tai tam gơl pa, tơnguh uă bơta niam tŭ do, cồng nha bơh broă đơng lam, lam sồr mờ bơyai lơh jăt kơnòl sền gròi, gròi sền. Lơh jăt sùm, tơl ală bơta broă sền gròi, gròi sền broă lơh glài bơh Đảng nàng drơng tàm kơnòl cíñ trị, broă bơ̆t bơtàu, lơh niam đảng kloh niam, pràn kơl dang.

Cau mblàng Ndong Brawl