Tàm Dơ̆ bơyai lơh jàu khà jờng, Mpồl duh broă Khà jờng neh jờng rơ 22 pang rùp niam ngan rlau jơh bơh Dơ̆ pơrlòng nam do dê, săc rwah 128 pang rùp nàng bơyai lơh Ràng tơlik yal tơnggĭt tus cau sền in tàm làm gùt ù tiah bơh Dà lơgar dê, mpồl bơtiàn cau Việt Nam tàm lơgar bơdìh mờ gơ̆p bơyô ală lơgar. Mpồl Duh broă Săc rwah bơh sơnrờp dơ̆ pơrlòng dê đơs, bal mờ bơta gơguh tai bè khà, bơta niam ală pang rùp pơyua Dơ̆ pơrlòng nam do kung geh tơngguh tai loh làng.

Đơs tàm dơ̆ jàu khà jờng, Kwang ătbồ Mpồl Mblàng yal mờ Bơto bơtê Dà lơgar ồng Nguyễn Trọng Nghĩa jờng rơ đơs niam ngan ală cau tờm bơh pang rùp dê neh jơh nùs tus bal dơ̆ pơrlòng. Nàng tơngguh uă bơta niam, cồng nha mblàng yal yal tơnggĭt jơnau lơh broă mờ lơgar ndai bè broă lơh tiah nhàr lơgar ù tiah dà lơgar dê tàm tơngai tus, Kwang ătbồ Mpồl Mblàng yal mờ Bơto bơtê Dà lơgar sồr, ală anih lơh broă mpồl cau bơh Dà lơgar tus ală ƀòn lơgar pal pơn jăt tai kơlôi sơnơng jrô gùng dà jơnau đơs bơh Đảng mờ Dà lơgar dê bè broă lơh tiah nhàr lơgar, gơnoar tờm ù tiah dà lơgar tàm bơta pa- jăt nùs nhơm Jơnau lơh nền tàm pơrjum bơh Pơrjum dờng dơ̆ 13 bơh Đảng dê.