Klo ngai ngai 15/06, tàm Hìu Quôk hội, Củ tịc Quôk hội ồng Vương Đình Huệ neh tus bal Dơ̆ kĭ Kơrnoăt pơgồp bal đah Tổng Thư kĭ Quôk hội, Kwang ătbồ Cơldŭ lơh broă Quôk hội mờ Duh broă sùm ală anih lơh broă Quôk hội, Kwang ătbồ ală anih lơh broă gơwèt Ủy ƀan Thường vụ Quôk hội.

Dơ̆ kĭ kơrnoăt nàng kờñ lơh jăt Broă lơh broă bơh Đảng đoàn Quôk hội dê bè lơh jăt Kơrnoăt Pơrjum dờng cau ala măt gùt lơgar khoă XIII bơh Đảng dê, mờ lơh jăt niam gơnoar broă đơng lam, sồr lơh, đơng pơlam, nàng bơta pơgồp bal kơ̆ kơl jăp, geh cồng nha, ring bal, di tŭ mờ tơnguh uă kơnòl tàm broă lơh pơgồp bal đah Tổng Thư kĭ Quôk hội, Kwang ătbồ Cơldŭ lơh broă Quôk hội mờ Duh broă sùm Mpồl duh broă Jơi bơtiàn kòn cau, Duh broă sùm Ủy ƀan Quôk hội, Kwang ătbồ anih lơh broă gơwèt Ủy ƀan Thường vụ Quôk hội.

Bal mờ hơ̆, tơnguh uă kơnòl tàm broă lơh pơgồp bal, dong ai tơl anih lơh broă in lơh sir niam gơnoar broă, kơnòl broă, gơnăp gơnoar jăt jơnau sồr, pơgồp bơnah tơnguh uă rlau tai bơta niam, cồng nha lơh broă bơh tơl anih dê; mơkung, sền gĭt loh kơnòl đah ală gah dê nàng kờñ bơsong broă jơh nùs, rơcăng lài mờ geh cồng nha.