Dơ̆ lam lơh bơh Ƀộ Kwang àng, Mpồl tam klăc cau ùr Việt Nam mờ Anih duh broă làng bol càr Lào Cai dê pơgồp bal bơyai lơh. Đơs tàm dơ̆ lam lơh, Phó thủ tướng Cíñ phủ ồng Trần Lưu Quang đơs sùm, tăc blơi cau là dùl tàm ală bơta cau lơh tìs ngòt rơngơ̆t ngan tàm dunia. Tàm lơgar Việt Nam, ngai 30/07, kung geh rơ wah là “Ngai jơh gùt làng bol rcang lài kơryan tăc blơi kcau” nàng tơrgùm bơta pràn jơh ală anih lơh broă cíñ trị mờ jơh gùt làng bol tàm broă lơh dră wơl mờ cau lơh tìs do.

Phó Thủ tướng hòi jà bơta tus bal jơh nùs bơh jơh gùt làng bol mờ ală anih lơh broă, mpồl cau tàm lơgar mờ lơgar ndai nàng kơryan cau lơh tìs tăc blơi cau lik bơh rài kis mpồl bơtiàn dê, is ồn sền gròi kơnòm dềt mờ cau ƀuơn gơtìp aniai, jat tàm tơngume bơh nam 2024 “ ờ gŏ di lời kơnòm dềt lơi gơtìp lời wơl bơh ngkời” tàm dơ̆ tam dră do dê.