Lơh sră dờp gơnoar ngui ù gơ tàm rơndap rơndồ, ndrờm bal gam là bơta gơlik geh uă ngan tàm càr Dăk Nông. Bulah bè hơ̆, broă bơsong jŏ jòng neh lơh làng bol gơtìp uă kal ke mờ lơh gơbàn ală bơta ờ ring bal, ờ suk. Tŭ lòt sền, ồng Lưu Văn Trung, Củ tịc Hội đồng Ñân zân càr Dăk Nông kung cih dờp uă jơnau đơs bơh cau tĕ khà dê yal wơl bè bơta lơh gơ tàm rơndap rơndồl, ndrờm bal sră dờp gơnoar ngui ù. Broă do bơh uă jơnau lơh gơbàn, jơh bal mờ bơta git lài mờ ờ gơtùi git lài, mơya pal đơs là broă bơsong bơh 2, 3 tiah dê ờ hềt dipal, geh tŭ là ờ geh kơnòl.

Hơ jơnau lùp bơh ală kwang bàng Hội đồng Ñân zân càr dê, ồng Nguyễn Văn Hiệp, Kwang atbồ Sở Tài nguyên mờ Môi trường càr Dăk Nông đơs là, neh geh jơnau pơlam nàng bơsong ală broă lơh gơ tàm rơndap rơndồl, ndrờm bal sră dờp gơnoar ngui ù. Jat hơ̆, bè jơnau pal jat den anih lơh broă geh gơnoar mìng geh broă ai wơl mờ lơh tam gơl pa gơ in dipal mờ bơta geh ngan.