Drim òr (08/06), đơs pơn dŭt dơ̆ lùp mờ hơ jơnau lùp, Củ tịc Quốk hội ồng Vương Đình Huệ đơs: Dơ̆ lùp mờ hơ jơnau lùp geh bơyai lơh tàm nùs nhơm lơh tờm, song dơ pă, cri bơyai uă, hòi jà geh broă sền gròi, pal kah bơh bơh cau tĕ khà mờ Làng bol gùt lơgar dê.

Tàm pơrjum do, neh geh 454 dơ̆ kwang bàng Quốk hội dan cih măt lùp, 112 dơ̆ kwang bàng Quốk hội neh lơh jăt gơnoar lùp, 49 dơ̆ kwang bàng Quốk hội neh bơyai lơh tàm kơn dang nàng lơh loh rơlao ală bơta mờ kwang bàng sền gròi, pơn jăt tai ai tơngŏ do là broă jăt sền dờng ngan rơlao jơh tơn, geh cồng nha bơh Quốk hội dê. Dơ̆ lùp mờ hơ jơnau lùp neh tơlik nùs nhơm lơh loh kơnòl, lơh loh broă lơh; mơya geh cồng nha niam bơnĕ ha là ờ gam gơrềng tàm cồng nha lơh jăt ală jơnau hơ, jơnau hơ bơh Cíñ phủ, ală kwang bàng tàm Cíñ phủ dê.