Do là ală mpồl pơrlòng geh săc rwah mờ lơh geh khà jờng jơnhoa tàm dơ̆ pơrlòng kâp kơnhoàl geh bơyai lơh lài hơ̆. Ală mpồl rơ̆p pơrlòng 3 bơnah, geh: còp să, pơrlòng bơta gĭt wă bal, bơsong jơnau digơlan gơlik geh mờ pơrlòng lơh lèu chài hòi jà làng bol. Mờ ală broă lơh lơh lèu, tàm tơl bơnah pơrlòng, ală mpồl pal tơngŏ geh dùl êt bè ƀòn lơgar, mpồl đảng, anih lơh broă, mpồl cau, cau tàm mpồl; cồng nha lơh jăt broă lơh hòi jà làng bol tàm tiah he dê, anih lơh broă, mpồl lơh broă.

Bơsong jơnau digơlan gơlik geh gơrềng tus tam pìt ù tiah, bơta gơjrañ gơlik geh tàm bơta geh ngan tàm tiah he dê; broă lam lơh jăt broă dong kờl kòn cau, broă dong kờl pin dờn jăt yàng; broă lơh tơrña bơyai, tơm wơl tàm broă ai wơl ù; lơh jăt jơnau pal jăt làng bol lơh tờm tàm ƀòn lơgar; bơsong ală dơ̆ yă tơrgùm gal cau, gĭt gơ̆p ơm kis lơh lòt tàm anih lơh broă mờ gĭt gơ̆p ơm kis lơh lòt, tìp măt tơm bơh bơr mờ làng bol.