Jăt jơnau kờp bơh 63 Mpồl duh broă pơrlòng ală càr, ƀòn dờng, khà cau pơrlòng tus pơrlòng jơnau Khoa họk tự ñiên geh rơlao 99,7% pơn drờm mờ khà cau pơrlòng dan cih măt mờ khà cau pơrlòng jơnau Khoa họk xã hội geh rơlao 99,6% pơn drờm mờ khà cau dan cih măt.

Ƀộ Giáo zụk mờ Đào tạo pà git, jơnau yal bơh Mpồl duh broă pơrlòng dê, ală ƀùi pơrlòng Khoa họk tự ñiên mờ Khoa họk xã hội geh bơyai lơh nền nòn, di mờ kơrnoăt geh ai. Đơs lài ngan bơh cau pơrlòng, cau pơgru mờ mpồl bơtiàn dê, jơnau pơrlòng Khoa họk tự ñiên mờ jơnau pơrlòng Khoa họk xã hội geh tàm jơnau bơsram kấp pe, di pal mờ bơta git wă, di pal mờ bơta ngăc ngar cau pơrlòng dê, geh bơta tam cah di pal.